á endalausu ferðalagi

2008-05-05T21:11:00.002+02:00

2008-05-02T21:37:00.004+02:00

Ég var búin að skrifa inn fullt um daginn en varð að hætta í miðjum skrifum.

Annars er bara æðislegt veður hjá okkur og er búið að vera. Garðurinn okkar hefur sko fengið að finna fyrir því skal ég segja ykkur. Við erum langt komin með verkefnalistan sem var fyrir næsta sumar! Jamms það er varla sá blettur í garðinum sem að ég hef ekki sett eitthvert skonar verkfæri í.

Kanski aðal ástæðan fyrir því hvað við höfum verið dugleg að fara niður í garð er að Viktor er farið að finnast þetta rosalega gaman. Hann fær að taka þátt í þessu öllu með okkur hvort sem það eru hellur, steinar, arfi eða eitthvað sem notað er verkfæri. Við erum búin að smíða kassa og setja í það mold fórum meira að segja í "sorpu" um síðustu helgi að ná í mold frítt nema að við erum ekki orðin nógu dönsk og urðum þar af leiðandi að legja okkur kerru! Fína moldin fór í kassana sem eru grænmetis beð. Þar eru við búin að setja niður tvenns konar kartöflur sem koma upp á misjöfnum tíma. Við erum líka búin að setja niður tvær tegundir af rauðbeðum, mislitaðar gulrætur, rauðlauk, spínat og rucola káli (held að það heiti klettasalat á íslensku) þannig að það verður spennandi að sjá hvað við fáum upp í sumar. Það má nú ekki gleyma jarðaberjunum, þar er meira segja að koma blóm sem lofar góðu. Núna þurfum við bara að koma okkur net svo að við fáum jarðaberin en ekki fuglarnir og önnur dýr.

Læt fylgja mynd hérna af kirsuberjatrénu okkar sem er núna í blóma. Berin á trénu eru frekar súr þannig að við leyfum fuglunum að eiga þau!

Langt er síðan síðast.

2008-04-04T21:51:00.003+02:00

Ja hérna ....
Það er svo langt síðan síðast að ég varð að núllstilla passwordið, það er að segja að breyta því!
Við höfum annars bara gott. Litla músin er bara ekki lítill lengur og er farinn að hafa skoðanir á hlutunum og reynir reglulega að segja mömmu sinni hvernig hlutirnir eiga að vera. Það er gert á hans máli sem að bara hann skilur! Maður getur nú samt heyrt það á honum að hann sé ekki sáttur við hlutina.
Bara síðast í morgun þegar hann kom niður til að fá sér morgunmat, þá tók hann eftir því að mamma hans var ekki búin að þvo það sem að HANN setti í þvottavélina! Jújú mamman fékk ræðu yfir þessu!

Svo er vor í lofti hjá okkur og formlega komið vor því að bögetrén eru að laufgast. Og meira að segja það fyrsta sem tók upp á þessu er statt hér á Fjóni. Ekki slæmt það.

2008-01-13T21:57:00.000+01:00

ÚFF, þetta er alveg að verða búið!

Já, ég er að skrifa síðasta verkefnið mitt og á að skila því inn í síðasta lagi á fimmtudaginn kl. 12. Þá er ég komin í frí til 4. feb. Annars er ekkert að gerast. Stubbur orðinn smá pirraður á þessum prófum/verkefnum hjá foreldrum og sýnir það helst að vera mjög á móti því að við förum eitthvert ein!

2007-12-17T15:19:00.000+01:00

Týpíst....
Þegar maður á að vera læra þá fer maður að gera eitthvað annað!
Til dæmis núna á ég að vera skrifa ritgerð í Teksthistorie ( danskri bókmenntasögu) og allt í einu fór ég að velta fyrir mér hvort ég mundi aðgangsorðið mitt hérna! Ég sem sé mundi það, þó ótrúlegt megi virðast. Fyrst að ég var nú komin inn gat ég nú alveg eins skrifað smá.
Annars bara rólegt hérna hjá okkur í Vesterdalen. Gústi er að skila sínu verkefni á morgun og er þá kominn í "jólafrí" og ég skila á fimmtudaginn. Næsta verkefni hjá okkur báðum er svo 3.jan.08.

2007-03-24T12:22:00.000+01:00

Ja hérna ég var allt í einu að muna að í mars fyrir ári síðan fór litla músin mín, hann Viktor Daði til útlanda í fyrsta skipti. Við fórum til London á bara fáranlegu verði. Já flugvallaskattarnir voru dýrari en flugmiðinn.
Þeir félagar Viktor Daði og Alejandro Egill hafa heldur betur breyst á þessu ári.
En að öðru. Núna er loksins komið vor aftur og við fjölskyldan erum að fara gera garðinn okkar fínan. Nota góða veðrið og nýja fína krókinn sem að við vorum að setja á bílinn okkar. Í dag er líka síðasti dagurinn sem að við erum á vetratíma. Jamms í nótt færum við klukkuna fram um klukkustund.

Jæja sonurinn vaknaður. Heyri í ykkur seinna.

2007-03-14T13:03:00.000+01:00

Miðvikudagur til mæðu....
var það ekki eithvað svoleiðis sem það heit nú í vísunni???
Annars er bara æðislegt að vera til í vorinu sem er úti. Maður reynir eftir fremsta megni að vera úti með litlu músina. Er meira að segja að velta fyrir mér að láta verða af því að kaupa mér árskort í dýragarðin hérna í Odense. Ég held að það ætti að vera gaman fyrir okkur Viktor. Ég gæti nú trúað að Gústi á nú eftir að koma líka með okkur, kanski að hann ætti líka að fá sér árskort. Hugsið ykkur heill dagur í dýragarðinum, skoða dýrin og leika sér. Muna bara eftir sólavörn og nestinu.
Annars voru að koma drög af próftöflunni minni lítur út fyrir að vera til 21. júní í prófum!!! Spenandi finnst ykkur ekki.

Læt þetta duga í bili. Ég ætlaði að setja inn mynd að litlu músinni en bloggerinn kom alltaf með villuboð. Þannig að ef fólk vill sjá hvernig hann lítur út í dag þá er bara að skoða síðuna hans á barnalandi.

2007-03-11T22:22:00.000+01:00

Vorið er komið og grundirnar gróa.....
Ójá ég held nú það (ég vona það allavega). Núna er hitastigið að stíga í kringum 10° og sólin er farin að verma þar sem hún skín. Mér finnst þetta bara vera skemmtilegasti tíminn og ekki spillir að búa í útlöndum þar sem að það vorar fyrr og endist lengur enn á Íslandi.
Annars erum við búin að eiga fína helgi við fjölskyldan. Í gær kíktum við til Flensburgar, alltaf gaman að kíkja þangað og í dag í góða veðrinu fórum við í koloni garðinn okkar að vinna. Viktor var bara hinn hressasti í garðvinnu og passaði upp á að jafna út garðinn og rífa upp gras fyrir okkur. Ég verð nú að segja það að miðað við pottinn sem var í garðinum í dag, þá lítur sumarið bara vel út og að það verði nauðsynlegt að eiga litla sundlaug til að kæla sig niður!!

2007-03-07T12:40:00.000+01:00

Jæja er ekki nóg að blogga einu sinni í viku???
Það er ágætt að nota frímínúturnar til að setja inn nokkrar línur.
Í síðustu viku varð Viktor veikur þannig að það varð ekkert úr því að ég færi í sögu á föstudaginn. Vildi frekar vera heima hjá litlu músinni. Viktor var nú svo heppinn að hafa báða forelrana sína heima með sér á meðan hann var veikur.
Svo kom vorið á sunnudaginn. Jamms með sól og 10°. Við Gústi drifum okkur í að taka til á meðan Viktor svæfi. Ég tók gluggana að innan og þurrkaði af á meðan Gústi tók gluggana að utan og ryksugaði bílinn og tók rúðurnar.
Viktor greyið langaði svo mikið út að við ákváðum að fara bara i smá bíltúr með hann, bíllinn var hvort sem er heitur út af allri sólinni sem skein á okkur. Við fórum og keyrðum um norður Fyn. Rosalega gaman. Mér finnst nú alltaf gaman að fara í bíltúra svo það er kannski ekki að marka.
Svo hofst þessi skólavika með sínum heimalærdómi og fyrirlestrum.

Ég þurfti nú að vísu að finna mér tannlækni í gær. Úff ég fékk nefnilega tannpínu á mánudagskvöld og svaf voðalega lítið út af þessari tönn sem var að stríða mér.
Ég var oðrin svo stressuð að fara til tannlæknisins að ég fann ekki lengur fyrir tönninni og hafi enga matarlist. En hún tannlæknir hafði stórann skilning á því að ég væri frekar mikið smeyk við hana og hennar starfsfélaga að það lá við að hún benti mér á sleikjóskúffuna og saði að ég mætti fá einn því að ég væri búin að vera svo dugleg. Núna vill hún ekki sleppa mér því að það eru nokkrar holur enn í muninum mínum sem hún vill laga og fá mig í mjög regluglegt eftirlit svo að það þurfi ekki að gera neinar stórar aðgerðir. Það er nú bara jákvætt!!

2007-02-28T12:36:00.000+01:00

Langt síðan síðast ....

Það er nú hægt að segja að það sé orðið langt síðan síðast. Bloggið hefur breyst og núna er ég með google account!! Ekki að ég sé að fara skipta um email einu sinni enn, en nei það er bara svo ég geti skrifað hér inn.
Við áttum yndisleg rauð jól með mömmu, Eggerti, Hrönn og Sigurjóni. Við Viktor skruppum svo í smá stutta heimsókn til Íslands á meðan Gústi var í prófunum. Það var frábært að vera á klakanum sem skartaði sínu fallegasta vetraveðri með tilheyrandi frosti. Við komum svo aftur í vorið og Viktor tók upp á því að fá lungnabólgu eftir að vera með kvef síðan ég bloggaði síðast.
Við Gústi byrjuðum svo í skólanum 1. feb. Viktor er enn að sætta sig við það. Já það getur verið erfitt að vera lítill og meiga ekki koma með þegar þessir foreldrar setja bakpoka á bakið og segja bless til skiptis. EN hann er allur að koma til og kemur fagnandi á móti því foreldri sem er að koma. Viktor er sem sé heima, ég fer með hann í sund og legestue til að hitta aðra og leika með eitthvað annað dót en sitt.
Við fengum líka frábæra gesti til okkar núna í síðustu viku. Það var bara yndislegt að eyða tíma með þeim og er mér strax farið að hlakka til að hitta þau öll aftur um páskana. Vegna ísrigningar sem var á laugardaginn urðu þau að eyða einum degi legnur hjá okkur því að þau misstu af fluginu því að Stórabeltið var lokað.
Þetta er það sem er búið að gerast hjá mér síðan síðast. Núna sit ég og hlusta á kennarann sem er að tala um píramída og hvernig maður á að motivera fólk!! Það er frekar erfitt að skilja grey kennarann en þetta er svona semi áhugavert efni.
Jæja þar til næst ef að ég kemst inn hérna, hahaha.

2006-12-18T09:00:00.000+01:00

Það er næstum því heill mánuður síðan síðast. Það hefur náttúrlega ýmsilegt gerst. Ég átti til dæmis afmæli. Undarlegasti afmælisdagur það var. Ég held að ég hafi aldrei upplifað 10°hita á afmælisdaginn. En að öðruleiti var hann bara fínn.
Viktor var veikur. Það var í rauninni í fyrsta skipti sem hann var veikur og það kom okkur foreldrunum alveg í opna skjöldu. Við vissu hreinlega ekki hvernig maður á að vera með veikt barn. Hann er nú búinn að ná sér og farinn að skoða jólaljósinn á fullu.

Þetta eru svo líkurnar á að við fáum hvít jól í Danmörkinni. Ekki er það mikið. Það þarf að skafa bílinn í morgun og það er í fyrsta skipti þennan veturinn!

2006-11-19T10:37:00.000+01:00

Það er liðið ár síðan að Viktor Daði fæddist!! Þetta er bara ótrúlegt og árið hefur liðið frekar hratt. Það sem að litli maðurinn hefur afrekað á einu ári er bara frekar mikið. Hann er alveg að verða búinn að ná jafnöldrum sínum í þroska og allt.
Til dæmis fyrir ári síðan á þessum tíma var ég keyrð niður til hans í rúminu mínu þar sem ég átti að vera í rúminu og Viktor var í hitakassa. Ég fékk samt að hafa hann hjá mér á meðan ég var þarna niðri hjá honum.
Þá leit hann svona út.
Hann hefur sko heldur betur stækkað og dafnað.
Læt þetta duga í bili.

2006-11-10T22:13:00.000+01:00

Þá er lífið farið að vera bara eins og venjulega. Hrönn og Sigurjón eru farinn heim og Gústi kominn í skólann. Það er lokahóf í fótboltanum á morgun svo ég veit ekki hverssu mikið ég sé hann á morgun. Það er bara að það verði gaman hjá honum á morgun. Það er allavega mikil stemmning hjá þeim strákum fyrir morgundeginum.
En að öðru. Ég datt í dag niður á þátt á dr 1 um lesblindu í danmörku. Ég ætlaði að fara slökkva á sjónvarpinu en ákvað að horfa á þetta og svo slökkva. Ég sat sem sé og hlustaði á fólkið tala um sín vandamál sem voru bara svo svipuð og mín að það lá við að ég hefði svarað þeim (veit samt alveg að fólkið í sjónvarpinu getur ekki heyrt í mér). Ég hef aldrei séð þátt um þetta efni áður. Það var talað við leikara sem átti erftitt með að halda sig við handritið, hún vildi alltaf bæta við setningum, það var líka talað við mann sem er mikið í sjónvarpinu, æ man nú ekki hvað hann gerði en hann er með háskólapróf og ritara. Hann sendir ekkert frá sér nema að ritarinn hans fari yfir það fyrst. Það var bara svo gaman að hlusta og horfa á þau og þeirra vandamál. Það er til dæmis til skóli fyrir lesblinda ordblindskolen. Þar læra danir dönsku. Þannig að fólk eigi auðveldara með að lesa það sem það er að skrifa. Gæti trúað að ég ætti erindi í svoleiðis skóla og læra íslensku. Allavega þá held ég að ef það væru einhverjir nýjir að reyna lesa bullið mitt þá gæti það stundum verið erfitt, hinir eru orðnir vanir þessu!!

2006-11-04T10:52:00.000+01:00

Jæja þá eru Hrönn og Sigurjón komin til okkar. Þetta var heldur betur ævintýri hjá okkur. Við fjölskyldan vorum búin að ákveða að fara á Kastrup að sækja þau og eyða deginum í Köben með þeim. Gústi var meira að segja búinn að sjá það út að hann kæmist alveg með okkur Viktori. En nei svo tók móðir náttúra í taumana. Hér kom bara frekar mikill vindur ( fór vel yfir 20 metra á sek.) sem fór þvert á stróra beltið og brúin lokuð fyrir umferð fram yfir hádegi, en Hrönn og Sigurjón áttu að lentu á hád. Þau komu svo með lest og voru hér um 15.30. Þá var tiltörlega nýbúið að hleypa umferð á brúnna.
Við erum búin hafa það bara gott með gestunum okkar, fórum til dæmis í gær niður til Flensburgar.
Viktor tókst að drekkja síma pabba síns í munnvatni svo að Gústi þurfti að fá sér nýjan síma. Hann getur bloggað núna í gengum símann sinn. Við notum þetta nú aðeins, þá aðalega til að setja inn myndir sem við tökum á símana okkar. Slóðin er http://www.agust-mobile.blogspot.com/.

2006-10-27T10:05:00.000+02:00

Það eru sko heldur betur stórar fréttir úr Danmörkinni. Mæja er bar ólétt!! Núna velta fjölmiðlar fyrir sér hvort að þetta verði lítil prinsessa eða annar lítill prins. Þannig að núna verður maður bara að bíða fram í maí til að fá að vita hvort þetta sé!
Annars getur maður sagt að það sé komið haust hér hjá okkur. Það er farið að rigna og fyrsta almennilegi stormurinn gekk yfir í nótt og er að vísu enn að ganga yfir landið. Sem þýðir seinkanir á helstu samgöngum. Engar ferjur, of hvasst fyrir þær, lestin of sein, fallinn tré á teinunum. Það er allt í lagi fyrir mig því að ég er ekki að fara með ferju eða með lest. Eftir allt útstáelsið á okkur Viktori undanfarna daga ætlum við vera heima og kíkja í Bilka.

Svo er að koma vetur hjá klukkunni. Það gerist á sunnudaginn. Þá fara garðhúsgögning tilbage í geymsluna. Þá munar bara klukkustund á milli okkar og allra á Íslandi.

2006-10-19T10:18:00.000+02:00

Ja hérna hér!!! Ég verð alltaf jafnhissa. Mér finnst þetta bara ótrúlegt! Það er komið jólaskraut í búðir. Við fórum til Århus á þriðjudaginn í IKEA. Við þurftum líka að upplifa stóra IKEAbúð. Þar var komið jólaskraut í hillurnar! Ég hélt að þetta væri nú bara IKEA en nei. Í gær fór ég og Lene með Viktor og Jens niður í bæ og þar var líka komið jólaskraut!! Er þetta ekki bara allt of snemma??? Ég held að ég velti þessu fyrir mér á hverju einasta ári!
Ég man að þegar að jólaskrautið var komið í gluggann í Rammagerðinni að þá voru alveg að koma jól. En það var í nóvember. Nú bíð ég bara eftir að heyra jólalag í útvarpinu og þá held ég að við gætum flutt jólinn.
Það er allavega mjög skrítið að vera skoða jólaskraut og trén úti eru í sínum fallegasta búningi. Jamms enn með lauf í öllum regnbogans litum!

Að öðru þá er mánuður þar til að Viktor Daði verður 1 árs og núna veltur maður fyrir sér hvað maður eigi að gefa honum í afmælisgjöf. Ég hef þó allavega heilan mánuð til að velta því fyrir mér. Kannski að ég gefi honum jólasveinabúining í afmælisgjög!!! Held samt ekki.

2006-10-06T22:10:00.000+02:00

Jæja svo virðist sem að þessi blessaða blogsíða sé alveg horfin af vetvangi.
Það er kanski ekki alveg ætluninn. Til þess að halda þessu gangandi ætla ég að reyna skrifa þessar línur.
Þessa mynd tók ég í sumar þegar ég var á rúntinum með Guðrúnu!

2006-08-07T14:43:00.000+02:00

Eins og allir geta séð hefur litli maðurinn heldur betur breyst síðan í janúar.

fyrir mér að byrja aftur að skrifa hérna og sjá hvað gerist eða réttara sagt hverssu lengi þessi törn endist. Ég er nú ekki mikið fyrir að skrifa eins og sést hefur.
Eins og staðan er í dag þá er ég enn á Íslandi með fjölskylduni en er alveg að fara koma mér heim til mín. Þannig að þessa dagana er ég í því að sortera hvað eigi að fara með Óskabarni þjóðraninnar og hvað fer með okkur í flug.
Við Viktor erum búinn að hafa það fínt þessa mánuði sem við erum búin að vera á Íslandi og það varð enn betra þegar Gústi kom.
Ég er líka búin að hitta góða vini sem búa hér á landi og þá sem áttu leið hér á klakann. Ekki má nú heldur gleyma öllu litlu gullklumpunum sem maður hefur nú hitt.
Jæja þá er það bara hádegismaturinn sem kallar . Læt heyra í mér seinna.

2006-01-18T18:16:00.000+01:00

Ég var að prufa hvort að það væri erfitt að setja inn mynd á ploggið. Þetta getur eiginlega ekki verið einfaldara.

Ég sem hélt að veturinn væri búinn hér í Odense. Það er sko ekki. Það var bara allt hvítt hjá okkur í morgun og það ekki neitt smá miðað við danskan mælikvarða. Jamms heilir 6 cm af snjó lá yfir bílastæðinu hjá tv2, sem er staðsett niðri í bæ. Ekki nóg með það heldur á að vera lítill snjóstormur (snjókoma) á morgun ef að allt gengur miðað við veðurfræðinga.

2006-01-12T21:07:00.000+01:00

Jæja ætli það sé ekki best að láta vita af sér. Jólin komu og fóru, við fengum heimsókn milli jóla og nýsárs, sem var bara gaman. Við fjölskyldan fengum fullt af fallegum og sniðugum gjöfum og Viktor fékk flesta pakkana.
Við fengum hvít áramót og mikla þoku þannig að maður misti af flugeldunum sem reynt var að skjóta upp. En núna er allur snjór farinn og ég stórlega efa að það komi nokkuð meiri snjór.
Við Gústi komumst líka af því að það er flókið að vera íslenskur námsmaður í Danmörku. Þetta er ótrúleg skriffinska. Viktor Daði er Stefánsdóttir hér í DK og Sigurjónsson á IS og það breytist ekki fyrr en hann verður skírður. En þá fær hann íslenskt og danskt skírnarvottorð og verður Ágústsson!
Annars er allt bara að komast í fastar skorður og Viktor stjórnar ferðinni.

2005-12-18T15:59:00.000+01:00

Jæja þá er að láta vita af sér.
Við Viktor erum komin heim. Ég eftir að hafa verið hjá honum í rúmar 2 vikur. Það er nú bara frábært að vera komin heim með hann, jafnvel þó að hann sé ekki útskrifaður af spítalanum. Ég er líka búin að taka þá ákvörðun að taka engin próf í janúar þar sem mér finnst ég ekki hafa tíma til að setjast niður með skólabók. Þetta verður þá bara tekið upp næst.
Annars finnst mér ótrúlegt að það sé að koma jól. Það vantar allan jólafíling hjá mér núna, en ég hef 6 daga til að finna jólafílinginn.

Læt þetta duga í bili, því sonurinn kallar!

2005-11-23T08:26:00.000+01:00

Halló allir og takk fyrir allar kveðjurnar. Af okkur er allt fínt að frétta og það er gengur allt vel með litla stúf. Ég kom heim í gær og verð heima þangað til að hann hefur meiri not fyrir mig, en þá verð ég lögð inn með honum og svo förum við saman heim.
Annars erum við á fullu að finna nafn handa honum, en hvað það verður verður bara að koma í ljós.
En og aftur þúsund þakkir fyrir allar kveðjurnar.

2005-11-13T17:06:00.000+01:00

Ég er búin að vera á leiðinni alla vikuna að fara blogga! Ég hef bara ekki komið mér í það að setjast niður og skrifa eitthvað.

En við vorum sem sé í Köben um síðustu helgi sem var bara gaman. Við fórum til dæmis á kaffihús á sunnudeginum. Það var bara alveg eins og þegar ég var lítil og fór með Gúgú á kaffihús og ég á örugglega eftir að fara aftur þanngað. Mér skyldist nú samt á Jannis að þetta væri orðið eina alvöru kökuhúsið í Kaupmannahöfn.

Við fórum og hittum svo ljósmóðurina á þriðjudaginn og fengum meira af upplýsingapésum, þó aðalega um spítalann og hvað það væri sem við þyrftum að taka með okkur þanngað.

Svo er það bara búið að vera skólalærdómur. Þannig að það er ekki neitt nýtt.

Jæja ætla að kanna hvort að Gústa vanti aðstoð í eldhúsinu!

2005-10-30T11:15:00.000+01:00

Jæja þá er vetur konungur gengin í garð.... eða svo segir klukkan.
Klukkan breyttist í nótt hjá okkur og núna er bara klukkutíma munur á milli Íslands og Danmerkur.

Annars var þetta bara fín helgi og lokahofið hjá FC Ísafold var bara fínt. Núna er takast á við næstu viku og svo er það Kaupmannahöfn á föstudaginn!!!
Ég þarf víst að halda fyrirlestur á þriðjudaginn, eitthvað sem mér finnst alveg einstaklega skemmtilegt og hlakka mikið til að gera, eða þannig. En ég held að það sé það leiðinlegasta/ erfiðista verkefnið sem ég þarf að gera í þessari viku.

Þetta átti bara vera stutt og aðalega að láta fólk vita að við erum búin að breyta klukkunni!!

2005-10-27T19:51:00.000+02:00

Bara svona til að hafa skrifað eitthvað í október......

Hið langþráða haustfrí kom og fór, hvað við gerðum er hægt að lesa á blogginu hans Gústa. Ég var samt mest hissa að við náðum að koma fjölskyldunni á Íslandi á óvart. Eins og vanalega í svona stuttum heimsóknum náði maður enganveginn að heimsækja alla, það verður bara næst (eftir áramót).

Núna er skólinn kominn á fullt og í staðinn fyrir að tala um haustfrí er farið að tala um prófin í janúar og hvaða fög verða svo á vorönninni.

Haustið lét líka sjá sig núna í Október, það var samt aðalega um síðustu helgi og byrjun þessarar viku. Það var líka kominn tími til. Núna liggja marglituð laufblöð út um allar götur. Þetta er alltaf jafnfallegt þessir haustlitir.

Í dag fórum við aðeins í Tarup center og þar sem við vorum að skoða kjötborðið í Lövbjerg ákváðum við að kaupa eins og eitt stykki grasker og skera út í. Þannig að núna er norn á grillinu okkar! Gústi skar út. Það var nefnilega hægt að kaupa svona graskeraverkfæri í Lövbjerg. Aldrei að vita nema að maður setji inn mynd af norninni á myndasíðuna okkar. Þar er líka nokkrar myndir úr haustfríinu.

Jæja ég læt þetta nægja í bili.

2005-09-23T10:58:00.000+02:00

Halló allir ....

Nú er það ljótt! Skólataskan mín er of þung! Þannig að nú þarf ég að finna sniðugar leiðir til að létta töskunna. Það hafa komið upp alskonar hugmyndir sem ég hef verið mis hrifin af en hugmyndir samt sem áður. Það endar samt örugglega þannig að ég fer með pennaveski, stílabók og kannski blöð með mér.

Annars er áframhaldandi útstáelsi á okkur Gústa um helgina. Við erum að fara í 60 ára afmæli hér á Raskinu á laugardagskvöldið og svo erum við að fara til Århus á sunnudaginn. Svona til að skoða Ikea og kíkja frænkur hans Gústa sem fluttu út núna í haust. Það verður örugglega rosalega gaman að hitta þau öll sömul.

Læt þetta nægja og ætla að fara snúa mér að skólabókunum svo ég geti gert þetta um helgina.

2005-09-17T19:22:00.000+02:00

Þá er enn ein vikan liðinn og blessaða Klakamótið er núna um helgina. Ég er semsé ein heima. Ég hef samt alveg nóg að gera. Ég var í afmæli hjá Ársól í gær og í kvöld á að kíkja til Bryndísar. Svo hefur maður alltaf skólabækurnar.

2005-09-09T18:42:00.000+02:00

Þá er það tilraun 2 með að blogga. Síðast þegar ég reyndi að blogga tilkynnti talvan mér það að þessi síða væri ekki til, kannski smá hint um að ég sé bara alls ekki nógu dugleg við að blogga!

Skólinn er kominn á fullt, eftir bara eina viku. Það eru stílar sem þarf að skila og heill hellingur af blaðsíðum sem þarf að lesa. Þannig að maður hefur valið um hvort að maður eigi að lesa eitthvað á dönsku, ensku eða þýsku, ekki slæmt það. Gústi skipti yfir í ensku og líkar bara mjög vel. Ég á örugglega ekki eftir að sjá hann mikið nema með bók fyrir andlitinu þar sem hann þarf líka að lesa alveg heilan helling.

Við erum svo búinn að fjárfesta í fjölskyldubíl og keyrum um á grænum golf station. Þetta er bara æði að vera komin á bíl. Ég er farin að sjá fram á fullt af bíltúrum um fyn á sunnudögum og ekki spillir fyrir að hafa svona stórt skott þegar er farið í svoleiðis bíltúra!

Við fórum svo á sunnudaginn upp á Hasmark og ætluðum að ganga alla leið á Enebærodde en fórum bara styttri hring og ákváðum að koma bara aftur og hafa hjólin með okkur því þetta eru 6 km. Þannig með hjól og nesti er þetta fín leið. Svo urðu flugurnar sammála mér um að Gústi sé nú sætur strákur því hann vaknaði á mánudagsmorgni með 10 bit á fótum og baki og klæði líka rosalega í þetta allt saman. En núna hefur hann það fínt og ber á sig flugnafælu þegar hann fer á fótboltaæfingar.

Þar til næst.

2005-08-19T22:03:00.000+02:00

Jæja á maður ekki að henda inn nokkrum línum hérna....

Ég get kallað þessa leti bara sumarfrí í heimi blogga. En ef ég tek þetta saman þá hefur þetta verið einhvern vegin svona.
Við Gústi fórum til Íslands og hittum vini og ættingja mismikið og ég vona að þeir sem við náðum ekki að hitta fyrigefi okkur það. Við fórum líka í útlegu. Það var farið 2 nætur í Þórsmörk, við vorum rosalega heppinn með veður og þetta var bara æði. Ég var að koma inn í Þórsmörk í fyrsta skipti að sumri (svo ég muni nú eftri). Annars vorum við eiginlega bara á höfuðborgasvæðinu. Ég fór að vísu skrepp túr í Borgarfjörðin þar sem að Erna var búin að koma sér fyrir í sumarbústað.
Við komum svo heim mjög seint á mánudegi eftir langt ferðalag sem fólgst aðalega að bíða eftir lest. Strax á föstudeginum hittum við svo gestina okkar í Kaupmannahöfn. Við eyddum svo með þeim helginni í kóngsins köpenhavn. Síðan var stefnan tekin á Odense. Við sátum nú samt ekki auðum höndum í Odense, því það var farið til Þýskalands, Legoland, Dýragarðin hér Odense og svo bíltúra og búðir.
Núna er Gústi byrjaður á upprifjunarnámskeiði í frönsku og svo hefst alvaran 1. sept.
Ég held að þetta sé nóg í bili.

2005-07-04T16:29:00.000+02:00

Ótrúlegt ....
hvað maður getur nú verið latur í allri þessari sól. Já veðrið hér er búið að vera svo gott að grasið er orðið gullt af vatns skorti. Í hreinskilni sagt fyndist mér bara allt í lagi að fá einn dag með góðri rigningu.

Annars er voða lítið að frétta. Nema að það styttist í heimferð hjá okkur Gústa og okkur er nú farið að hlakka svolítið til að hitta alla. Við byrjuðum í dag að skrifa svona minnismiða hvað það væir sem við mættum ekki gleyma að taka með svo við erum komin svona ca hálfa leið.

Veit ekki hvað ég á að segja ykkur svo ég læt þetta duga í bili.

2005-06-12T12:28:00.000+02:00

Þegar maður situr og á að vera vinna einhver ákveðin verkefni, þá er oft sem að hugurinn leitar annað og maður fer að gera eitthvað sem maður á ekki að vera gera. Það er eiginlega það sem ég er að gera núna. Ég er sem sé að skrifa þýsku söguverkefnið mitt núna en ákvað að blogga smá í staðinn. Þetta heytir, svona til að friða samviskuna að taka smá pásu frá skólabókunum.

Hér er annars allt fínt að frétta, veðrið mætti fara verða sumarlegra en það er nú vonandi að lagast. Það er einhvert leiðinda kaldir vindar sem eru alltaf að koma frá Íslandi og Noregi! Þannig að hitinn fyrir sunnan okkur nær ekki alveg til okkar. Vona að það lagist þegar ég er búin í prófunum.

Við lentum í því fyrir 2 vikum að grillinu okkar var stolið! Já og það sem var læst hér við útidyrahurðina! Gústi er nú smá svektur og við grillum ekki neitt núna og það finnst Gústa frekar fúlt. Markmiðið er nú að fá sér bara nýtt grill. Við erum líka að bíða eftir hvað tryggingafélagið segir.

Annars er ca mánuður þannagð til að við komum á klakan og mig er farið að hlakka mikið til og liggur við að ég sé farin að sjá ís í hyllingum og ég tala nú ekki um góða lambasteik.

Jæja ætli ég hætti ekki þessum hugsunum og fari að velta fyrir mér kostum og göllum við sameiningu Þýskalands.

Ef ég skrifa ekkert í þessari viku þá vil ég bara óska öllum samlöndum mínum til lukku með daginn á föstudaginn og vona að allir fái gott veður.

2005-05-22T14:17:00.000+02:00

Halló allir saman....
Bara láta vita að ég er lifandi. Ég veit ekki hverssu mikið ég kem til með að skrifa hérna núna þar sem að ég er í verkefna vinnu og svo eru það blessuðu prófin að bresta á og ég verð í prófum fram til 20-22. júní.

Mig langar nú líka að óska Viggó til lukku með tiltilinn í símaskránna. Hann Viggó var nefnlilega að útskrifast á föstudaginn sem Stýrimaður, ég er ekki neitt smá stolt af honum frænda mínum fyrir að hafa byrjað og klárað þetta. Enn og aftur til lukku Viggó og nú meiga karlarnir í brúnni fara vara sig. Já og svo var systir hans, hún Andrea að taka bílprófið. Það sem tíminn líður, ég man nú eftir því þegar maður keyrði henni um í barnavagninum, og ég hef lítið elst síðan það var.

En allavega þá er það alvaran sem tekur við og við heyrumst seinna.

2005-05-11T11:21:00.000+02:00

Hún átti afmæli í gær, hún átti afmæli í gær,.....
Já hún Þórunn vinkona átti sem sé afmæli í gær og færðist þar með aðeins nær þrítugsaldrinum. Ég á eftir að senda kortið, en það verður sendt mjög svo fljótlega.
Svo eru líka fleirri afmæli í þessari viku. Já hann Bjarnþór frændi hans Gústa á afmæli á morgun og Maríanna frænka þeirra á afmæli á föstudaginn og svo á amma þeirra allra afmæli á sunnudaginn og svo eru það mamma og Lára sem eiga afmæli á mánudaginn.

Annars var göngu/skokk/hlaupaferðinni í gær frestað og á að kanna með morgundaginn í staðinn. Þetta er nú í fyrsta skipti sem við breytum um daga.

Svo er bara allt við það sama. Gústi að vinna og ég í skólanum.

Svo þar til næst.

2005-05-09T09:55:00.000+02:00

Góðan daginn allir....
Það fengu næstum því allir langa helgi hér í Odense nema við sem erum í SDU. Það var uppstigninardagur á fimmtudaginn og svo á föstudaginn voru svo flest allir skólar og margir vinnustaðir í fríi á föstudaginn.
Annars var saumaklúppur á miðvikudaginn hérna hjá okkur á Raksinu. Það var eins og alltaf mikið af alskonar kræsingum og spjalli langt fram eftir kvöldi.
Á fimmtudaginn vorum við Berglind duglegar að læra og um kvöldið hittumst við nokkrar og kíktum í bæinn. Ég og Ólöf fórum snemma heim miðað við hinar stelpurnar enda ætlaði ég að mæta í tíma kl. 8 á föstudagsmorgni sem ég og gerði.
Á föstudeginum kom Gústi upp í skóla til mín og við kíktum svo saman í Rosengaard um kvöldið skoðuðum við kolonigarða og Gústi fór svo með strákunum á barinn.
Laugardagurinn fór svo í lærdóm og Gústi fór með Jóa, Birki og Axel út af hjóla. Strákarnir lentu svo þvílíku hagli og rigningu með þrumum og eldingu. Gústi og Axel voru blautir inn af beini þegar þeir komu svo heim. Enda var það mjög heit sturta. Um kvöldið kíktum við til Jóa og Rögnu.
Sunnudagurinn fór svo í að Gústi fór svo að spila fótbolta með B 1913, þeir voru að keppa á móti liðið úr Vollsmose og íslensku strákarnir unnu! Það var líka eins gott svo þeir detti ekki niður um seríu. Við Ólöf kíktum á meðan á Myllu markað í Lumby og svo á antiksölur í AAsum. Við fengum líka sendingu frá Íslandi. Það er bara gaman að fá svona pakka frá "útlöndum" og mig hlakkar bara til að fara borða SS pylsur og drekka malt og appelsín og coca puffs á sunnudögum. Takk fyrir okkur Hrönn og Sigurjón. Svo fengum við skemmtilegt sms rétt áður en við fórum að sofa í gær, það er fölgun á gestunum okkar í sumar um 50%. Já Jóhanna, Egill og strákarnir ætla að koma líka á sama tíma og Lilja, Jói og krakkarnir koma. Við er strax farin að hlakka til að fá að hitta þau öll hér í sumar.
Jæja ætla hætta þessu í bili. Þeir sem eru í prófi í dag gangi ykkur vel.

2005-05-03T21:55:00.000+02:00

Ja hérna hér, ég var að skrólla niður á mogganum og rakst líka á þessa skemmtilegu frétt um hvað það séu nú margir Íslendingar sem blogga. Ég vissi að það væru fullt af íslendingum en ekki kannski svona margir.

Að örðu leiti er bara búið að vera mikið að gera, þó aðalega í skólanum. Ætli það fari nokkuð að róast fyrr en seinni partinn í júní.

Svo eru svo margir sem við Gústi þekkjum sem eiga afmæli í maí, þannig að á morgun ætla ég að hitta hann niðri í bæ eftir skóla og kíkja í búðir og kanna með afmælisgjafir. Ef að litlu gráu sellurnar verða ekki þreyttar þegar ég kem loksins heim!

2005-04-25T10:30:00.000+02:00

Gleðilegt sumar.....
Það er sko greinilegt að hér er að koma sumar. Hér er allur gróður að byrja blómstra, ekkert næturfrost og ég er bara á flíspeysu en ekki úlpu.
Við Gústi áttum frekar rólega helgi. Við fórum á grænmetismarkaðinn niðri í HC Andersen hverfi og svo fengum við okkur brunch niðri í bæ með Ólöfu og Axel. Á sunnudaginn fórum við að skoða koloni garða og kíktum í leiðinni á Freyju, Gumma og Ársól sem voru að vinna í sínum garði. Við sáum einn garð sem mig langar í en hann kostar 30.ooo dkk, ég á víst ekki alveg svona mikinn pen. þannig að við ætlum bara að halda áfram að skoða.
Núna er enn ein vinnuvikan að byrja og áður en ég veit af þá eru prófin búin! Kannski bara komið haust aftur.

2005-04-20T09:19:00.000+02:00

Góðan daginn allir saman....
Í gær fór með Vöku, Freyju og Birgittu á línuskauta, þetta var bara rosalega gaman. Ég var næstum því búin að gleyma hvað mér finnst þetta gaman. Annars er nú frekar langt síðan að ég fór síðast á línuskauta. Ég held að það hafi verið með Þórunni og Pedro einhvern tímann þegar við vorum aðeins yngri. Nei, ég datt ekki á hausinn og ég var ekki með hjálm. Ég gerði heiðarlega tilraun til að vera með hlífar á höndunum en tók þær af mér mjög flótlega vegna þess að þær pirruðu mig.

Svo er nú sumardagurinn fyrsti á morgun og aldrei að vita hvort að ég finni ekki eitthvað sniðugt handa Gústa í sumargjöf.... eithvað sem hann getur leikið sér með úti í sumar!

2005-04-15T16:50:00.000+02:00

Bara smá mont .....
Þá er núna hjá mér (kl. 17.00) 23 gráður og smá gola. Ég er sem sé komin í kvartbuxur og stuttermabol og það er spáð svona góðu veðri hjá okkur fram á miðvikudaginn. Bara svo að þig getið fylgst með góða veðrinu hér hjá okkur í Odense þá ýtið þið hér.

Annars .....
Bara allt fínt að frétta. Það er styttist bara alltaf í prófin. Jamms þau eru núna í endann af maí og fram í júní. En núna eru það verkefnin. Þau eru 2 og annað er þegar hafið og hitt er í maí.

En núna ætla ég að fara út og njóta góða veðursins.....

2005-04-08T21:31:00.000+02:00

Ja hérna, núna er ég bara akktiv. Tveir dagar í röð.
Við Gústi fórum í bæinn í dag sem gerist stundum að við gerum saman. Eftir að hafa keypt í matinn og eins og eina sundskýlu með honum Bubba, þá lá leiðin niður á göngugötu að skoða. Við vorum líka að verða svolítið svöng og fórum á Eydes. Axel og Ólöf komu þanngað að hitta og okkur og við Ólöf ákáðum að kíkja í nýju nærfatabúðina sem var verið að opna á móti Eydes. Það voru svo góð tilboð í gangi... brjóstahaldarar á 30 kr. enda var röð út, og í gær þá handlegsbrotnaði kona í röðinni. Það var nú samt allt í lagi að standa í röð það var nefnilega boðið upp á bjór, gos vatn eða rauðvín. Ég keypti samt ekki neitt, þarna inni.
Við Gústi vorum nefnilega líka í bænum á miðvikudaginn og fórum inn í Elgiganten (Elko þeirra dana), þar vorum við nefnilega búin að sjá svolítið sniðugt sem okkur langaði í. Gústi er líka búinn að vera tala um hvað honum langar í þetta lengi. Þannig í dag létum við þetta eftir okkur og hentum græjunum og tengdum nýja Philips heimabíó!!! Jamms og svei mér þá ef að norska Idolið sé bara skemmtilegra í öllum þessum hátölurum.

2005-04-07T16:52:00.000+02:00

Smá játning.....

Ég er með pennalatari manneskjum sem ég þekki. Ég hef hreinlega ekki nent í tölvu til að blogga eða skrifa meil, þið sem hafið sent mér meil eftir páska ég bið ykkur afsökunar á þessu. Ég er búinn að vera gera skila verkefni og svo fór ég til útlanda.

En annars....

Páskarnir búinir og enn eitt egg eftir uppi á ískáp. Ég verð nú samt að segja að ég horfi á það á hverjum degi en er staðráðin í að borða það yfir helgi, þannig að kannski á laugardaginn!
Við fengum góða gesti um páskanna og var voða gaman að hafa þær Önnu og Hrönn hér hjá okkur, veðurguðirnir hefðu nú samt mátt vera skemmtilegri.

Við kíktum svo til Berlínar um síðustu helgi. Fengum bara æðislegt veður. Henný, borgin hefur ekki neitt smá breyst síðan við vorum þarna! Núna erum við Gústi alveg sammála að kíkja aftur á þessa borg og vera lengur svo að hægt sé að velta betur fyrir sér söfnum og öðru skemmtilegu.
Hér er linkur á myndasíðuna okkar (sem að Gústi sér um að setja inn á).

Ég komst svo að því í dag að ástæðan fyrir því að ég tók ekki próf í munnlegri þýsku væri sú að þær(konuenE á skrifstofunni hjá Negotum) "týndu" bréfinu mínu, þar sem ég fór fram á að taka prófið í janúar. Núna er ég hjá allt öðrum kennara. Þær ætla nú samt að kanna hvort ég geti ekki tekið þetta blessaða próf núna á önninni. Ég er nú samt smá pirruð yfir þessu.

Annars var ég að heyra í Gústa og það gékk bara vel í prufunni á veitingastaðnum sem hann var að vinna á í dag, þannig að nú er bara að bíða og sjá hvað kemur út úr því.

kveðjur úr rigningunni í Odense.

2005-03-10T12:45:00.000+01:00

hahaha það er svo langt síðan að ég fór síðast inn á bloggið að ég þurfti að láta senda mér aðgangsorðið mitt svo ég gæti skrifað nokkrar línur hérna.

Hér er allt við það sama. Núna er snjórinn að bráðna og semsé hitinn sem er búinn að vera á Íslandi er á leiðinni til okkar. Svo að núna er vonandi að vorið sé að láta sjá sig. Það er nú einu sinni páskar eftir ca 2 vikur.

Við fáum góða gesti um páskanna. Já mamma og amma hans Gústa ætla koma og eyða páskunum með okkur. Það verður örugglega rosalega gaman og eithvað sniðugt gert, eins og kanna nágrenið og kannski kíkt á meiginlandið (Jótland) og jafnvel að kíkja til útland.

En eins og aðrir kennarar þá kunna þessir dönsku að eyðileggja páskafríið. Jamms þessi er nú samt að reyna að vera góður við okkur og með því að láta okkur fá verkefnið í síðasta tíma fyrir páska þá græðum við nokkra daga til að gera verkefnið. Þetta á nefnilega að vera viku verkefni en verður útaf páskafríinu 2 viku verkefni.

En ég ætla að láta þetta nægja í bili og reikna statistik og láta hugsa um páskaegg. Kannski að ég reyni að pæla í hverjar líkurnar séu að ég fái páskaegg???

2005-02-24T14:24:00.000+01:00

Þetta gengur ekki .....
þessi leti við að blogga. Ég er ekki alveg orðin nógu góð eftir þessi veikindi, er jafnvel að velta fyrir mér að heimsækja læknirinn aftur í næstu viku. Núna hósta ég út í eitt, þetta er bara leiðinlegt!
Hvað um það hér er allt á kafi í snjó, sem að mér finnst nú bara vera frábært. Vildi óska að við hefðum tekið gönguskíðin okkar með. Fyrir ári síðan var allur gróður að byrja að springa út en núna er bara snjór!!! Maður getur nú samt séð á fréttaflutningi að Danir eru ekki vanir svona snjókomum. Bílarnir eru ekki á nógu góðum dekkjum og hægja á umferðinni eða bara stoppa hana. Nú svo koma líka blessuðu hertólin að góðum notum. Já, hér eru nefnilega skriðdrekar notaðir sem sjúkrabílar! Þeir eru notaðir í SNESTORM til að komast til bæja/húsa þar sem ekki hefur náðst að sópa göturnar hjá. Danir sópa götur og gangstéttir og svo eins og í dag þar sem að hitamælirinn segir plúsgráður þá er sandað og saltað! Það hjálpar ekki mikið. Það er bara meiri vinna fyrir okkur sem þurfum að hugsa um okkar heimili. Sandurinn kemur allur inn.
Jæja ég læt þetta duga í bili. Það er best að fara hjálpa Gústa við að taka til!

2005-02-15T13:16:00.000+01:00

Nú er það slæmt!!
Já núna er ég lasin með hita og allan pakkan. Ég horfi fram á að vera bara horfa á sjónvarpið næstu daga! Það versta við þetta allt er að núna er allt á kafi í snjó og ég þarf að vera inni. Það var nefnilega snjóstormur hér á laugardaginn á dönskum mælikvarða. Á þeim íslenska var þetta bara þétt snjókoma. Mér var sagt að skilgreining á snjóstormi er að þegar jörðin verði hvít í einni snjókomu þá sé stormur! Sem sé það var ofsa veður hjá okkur á laugardaginn. Það var að vísu verra á Jótlandi en hér á Fjóni!

Annars eru Steini og Mæja formlega flutt af Raskinu. Þau skiluðu íbúðinni í dag og fljúga á morgun til Íslands.

2005-02-11T12:41:00.000+01:00

Vikan sem leið og aðeins betur.

Þriðjudagur og miðvikudagur var bar heim og skóli, ekki neitt spennandi. Á fimmtudögum er ég í fríi og þá fór ég til einnar sem er með mér í bekk til að reikna. Þegar ég kom heim voru Steini og Mæja að fara í bæinn að kaupa stóru hlutina sem átti að fara í gáminn hjá þeim. Við Gústi fórum með þeim.
Á föstudaginn átti svo Gústi afmæli. Hann fékk pakka og ég fékk köku! Þar með voru allir sáttir.
Á laugardeginum var Inga og Walter búinn að bjóða okkur í mat. Við sátum þar langt fram eftir kvöldi, Gústi kíkti svo til Axels og ég fór bara heim að sofa.
Sunnudagur fór svo í leysa heimaverkefni og rólegheit.
Svo rann nú upp bolludagur. Við fengum fastelavnbollur annars bara rólegt.
Sprengidagur. Við vorum svo heppin að fá saltkjöt frá Íslandi. Við buðum svo fjölsk. á Ivarsvej í mat og allir voru sáttir við saltkjötið og baunirnar.
Öskudagur. Það var bara skóli frá 10 - 16 og svo hjólað heim.
Gærdagurinn var rigning og rok fyrriparts dag. Ég var búin að tala saman við eina úr bekknum að hittast og kíkja á dæmin úr statistik. Svo fór ég í Rosengård. Hringdi í Freyju og við ákáðum að hittast fyrr niðri í bæ. Ég þurfti að kaupa mér skó og svoleiðis fyrir þorrablótið sem er á morgun.

En kvað um það. Þá í þessari viku var ég að fletta á milli sjónvarps stöðva. Ég fann þátt um "the biggest looser". Já þetta er raunveruleikaþáttur um fólk í megrun! Er þetta ekki orðið aðeins og mikið af því góða. Þessi þáttur er bygður upp eins og survivour. Sem sé 2 lið, áskorunarkeppni og það lið sem tapar þarf að senda einn meðlim heim! Hafa ekki allir heyrt þetta áður.

Jæja ég er hætt í bili ætla að kíkja á Fredagsbarinn og fá mér einn øllara eins og sönnum nema í Danmörku!!! SKÁL fyrir föstudegi!

2005-01-31T22:33:00.000+01:00

Snjórinn fór í gær.... þegar ég vaknaði í gærmorgun var allur snjór farin. Það kemur öruglega ekki meiri snjór, sem mér finnst voðalega leiðinlegt.

En nóg um það. Hann Gústi fór í þetta viðtal á miðvikudaginn var. Hann mætti með gallann sinn til í slaginn en þá vildi hann Polle bara spjalla. Þannig að þetta gekk vel en samt ekki. Hann Polle vildi eiginlega bara fá yngir nema. Hann sagði samt ætla skoða þetta. Við erum sem sé bara temmilega bjartsýn á þetta. Það er bara eitt, ef ske kynni að Gústi fengi þetta þá þyrftum við að eignast bíl! Það gengur enginn rúta eða strætó þangað!!
Sem sé bara bíða og sjá og svo að sækja um á fleirri stöðum.

Svo er nú blessaður skólinn að byrja á morgun. Já nú tekur alvaran við. Jamms það er strax kominn heimavinna fyrir annan tímann á morgun og á miðvikudaginn.

Jæja nú nenni ég ekki að skrifa meir. Þangað til næst.

2005-01-26T10:35:00.000+01:00

Þá er maður komin í "jólafrí". Ég var í síðasta prófinu á fimmtudaginn og á ekki að byrja aftur í skólanum fyrr en á þriðjudaginn. Ég hef semsé 10 daga til að slappa af og safna orku fyrir næstu önn.
Annars erum við Gústi búinn að hafa nóg að gera. Kíkja í bæinn og í Rosengård, mæta í útskrift og borða góðan mat með vinum og nágrönnum. Þess á milli höfum við farið út í göngutúra.

Núna er snjór yfir öllu og sandur á öllum gangstéttum og ég held svei mér þá að það sé sandur inni í öllum íbúðunum hér á Raskinu. Þetta er nú samt voðalega gaman og mikill vill meira, mig langar í meiri snjó.

Gústi er í pufu í dag á stað sem heitir Fjeldsted skov kro þannig að í dag sit ég með krossaða fingur og vona það besta og að sjálfsögðu sendir maður góða strauma.

Jæja þar til næst.

2005-01-14T13:15:00.000+01:00

Ég frétti um daginn að góður vinur hefði farið í læknisskoðun og niðurstöðurnar hefði ekki verið góðar og í dag er hann farinn á fund feðra sinna. Blessuð sé nú minnig hans.

Þessi vinur gekk undir nafninu Ofur fordarinn. Hann þjáðist af hrörnunarsjúkdómi (rið), og hann gat ekki blikkað augunum jafnt (hazardljósin voru ekki samtaka). Þessum vin kynntist ég í þegar við Gústi fluttum hingað á Raskið. Hann hafði þá þegar hjálpað okkur. Eigendurnir sem áttu hann þá, Sigurrós og Ingvi höfðu þá þegar farið og skoðað úbúð fyrir okkur. Maður vissi alltaf þegar hann var á ferðinni. Eftir að Sigurrós og Ingvi voru flutt til Íslands, þá hélt Ofur fordarinn áfram að búa á Raskinu. Hann fékk bara nýja eigendur þau Ara og Vöku. Ofur fordarinn flutti bara á annað bílastæði og bjó þar, þar til að "læknirinn" sagði að væri of veikur til að vera í umferðinni.

2005-01-06T13:41:00.000+01:00

Jæja þá eru jólin að renna sitt skeið. Já og Kertasnýkir á leiðinni heim eftir að hafa dvalið í borgum og bæjum í 13 daga. Þegar þetta gerist allt saman er það bara hinn marglitaði hversdags dagur sem kemur í staðinn. Þannig er það nú. Þetta skall svo sem allt saman á mig á mánudaginn þegar ég fór og náði í ritgerðaspurninguna sem ég þurfti að svara. Í dag kl.10 var síðasti skiladagur. Þannig að það er1 búið og 3 eftir. Næsta próf er svo á mánudaginn. Það er þegar búið að segja við mig að maður sé nú ekki heimskur þó að maður falli í því fagi, því að það falla flest allir. Jamms minna en 10% ná. Við Berglind ætlum nú að ná þessu prófi.

Þegar að nýtt ár hefst þá er það mjög oft gert að fólk ákveður að gera eitthvað betur eða hætta einhverjum ávananum. Ég held að mitt heiti sé að ná prófunum í ár, vera duglegri að blogga og skrifa e-mail til vina og vandamanna og vera dugleg að nota fjallahjólið mitt. Ég held að þetta sé raunsæ markið sem ég gæti staðið við.

En nóg um þetta í bili. Ég er að fara hitta hana Berglindi og reikna gróða, rentur og fleirra skemmtilegt.

2004-12-29T15:26:00.000+01:00

Gleðileg jól allir með tölu!!

Svona í tilefni jólanna þá ætla ég að skrifa með grænu! Við erum búin að hafa það rosalega fínt um jólin. Það hefði mátt vera pínu jólalegra hér í Odense, en við gerðum það sem við gátum til að gera þetta eins jólalegt og hægt var. Gústi keypti snúru úr fartölvunni í sjónvarpið á Þorláksmessu. Snúrann var að sjálfsögðu prufuð strax og um kvöldið, við horfðum á Kastljósið og hlustuðum líka á jólakveðjurnar á rás 1. Svo var náttúrlega hlustað á aftansöng í Dómkirkjunni á meðan hamborgararhryggurinn var borðaður. Núna er stemmt að því að reyna að horfa á skaupið á gamlárskvöld!
Við Hrönn fórum líka í bíltúr á jóladag við vorum að leita af einhverju húsi hér í Odense sem væri með jólaskrauti. Við fundum nú ekki mörg og eftir að hafa heyrt fréttirnar heima þar sem að dönsku tryggingafélögin búast við að borga þvílíka upphæð til fólks sem væri svo óheppið að það hefði verið brotist inn til þeirra, þá kom það okkur Hrönn bara ekki á óvart. Það er alveg hægt að sigta úr þau hús sem enginn er heima í. Það er allt slökkt líka útiljósin!!! Og auðvitað enginn jólaljós.
Eftir afslöppunina yfir þessa helstu jóladaga var síðan mánudagurinn notaður til að lesa fyrir prófið sem er 3. jan.
Ég tók mér nú samt frí í gær. Það var nefnilega ákveðið að fara til Þýskalands (hluti af þjálfun í talaðri þýsku) og hvað haldið þið! Það er kominn Subway í Flensburg. Frábært við Gústi eigum nú eftir að prufa þann stað! Eftir að hafa lappað um miðbæ Flensburgar í snjókomu var farið í CITTI og verslað eins og 84 cm langan strimil!
Núna sit ég og les fyrir próf og það er bara æðislegt veður úti! Sól og þessi snjór sem féll í gær er enn!

2004-12-21T09:37:00.000+01:00

Halló allir saman ..... ég er lifandi

Já ég hef nú ekki verið sérstaklega dugleg við þetta bloggerí dót mitt.
Það er rétt ég skrapp til Íslands í 10 daga. Ástæðan fyrir því að ég lagði allt frá mér og fór til Íslands er sú að ég þurfti að fara í jarðaför og þess háttar.
Við Gústi komum svo heim á þriðjudaginn var. Þessa viku er búið að vera frekar mikið að gera og tíminn hefur hreinlega bara flogið áfram.
Við Gústi, Hrönn og Sigurjón sáum að það væri sniðugast fyrir okkur að taka bílaleigubílinn viku fyrr, svo að það væri hægt að redda jólunum hér í DK hjá okkur. Við fengum líka þennan fína Renault Megané Station. Við erum samt búin að fara með hann 2 niður í Hertz þar sem að hann var eineygður og svo vantaði P-skífu í hann!! Svo í morgun þurfti ég að skafa og hvað haldið þið!! Það var eingin skafa.

En á þessari viku erum við búin að fara einu sinni til þýskalands að verlsa (ekki í cm, heldur var strimillinn 2 A4 síða!), Jólamarkaðinn við Langesø aðalega til að leita af jólatré. Við fundum eitt lítið og voða sætt tré sem bíður eftir að verða sett í nýja fína jólatrésfótinn okkar. Svo á eftir verður farið á eftir á Pizza Hut på Fisketorvet með Axel og Ólöfu, náð svo í Hrönn og Sigurjón. Ætlunin er að gista á hóteli í Kaupmannahöfn, skoða tívólíið og Fields!

Jæja ég held að þeir í bókabúðinni hafi verið að hringja í mig. Ég ætla allaveg að kanna hvort að bókin sé kominn fyrir hana Berglindi. Hún verður nú að geta lesið eitthvað um jólin stelpan, finnst ykkur það annars ekki!

2004-12-01T19:12:00.000+01:00

Ég náði loksins í tölvukennarann minn eftir næstum því hálfan mánuð. Ég vildi fá að vita hvort að ég hafi náð seinna verkefninu eða ekki. Ef ég hefði ekki náð því hefði ég þurft að gera annað verkefni í Október á næsta ári. Ég hefði getað tekið prófið í janúar en einkunnin hefði ekki orðið virk fyrr en þetta verkefni væri búið. Og viti menn ég náði verkefninu!!

Núna er ég ein heima þar sem að Gústi skrap með jólagjafirnar til Íslands! Þetta er nú voða skrítið að vera svona "Palli einn í heiminum", því venjulega er það ég sem get aldrei verið heima hjá mér. Kannski bara komin tími til að ég mundi prufa það.

Ég fór á sunnudaginn í bíó, sá myndina um hana Birguttu Jóns (bridget Jones). Mér fannst myndin bara góð. Hún er bara svo venjuleg manneskja sem er með leiðinlegan ávana sem henni tekst illa upp með að hætta og svo er hún að berjast við aukakílóin, og hver er ekki að gera það!

2004-11-22T21:34:00.000+01:00

Jahá... nú geta jólin alveg farið að láta sjá sig ....

Við Gústi erum næstum búin með allar jólagjafirnar. Í dag keypti ég svo fleirri jólakort og jólapappír þannig að næsta mál á dagskrá er að pakka og skrifa jólakort. Við kláruðum á laugardaginn að kaupa síðust jólagjafirnar sem eiga að fara úr landi .... eigum bara jólagjafirnar handa hvort öðru eftir.

En vitið hvað Það kom smá hvítt úr loftinu á laugardaginn og í morgun var slapp og svo bara rigning.

Annars var helgin bara fín. Ég þurfti reyndar að gera tölvuverkefnið aftur og hafði bara helgina. Það er bara þetta með Access sem ég er ekki alveg að ná. Ætli vandamálið sé ekki það að ég sé bara ekki tilganginn við að læra á Access nema fyrir sjálfan mig! Ég skil vel að ég þurfi að vita hvað ég er að gera í Word og Excel og jafnvel í Power Point en Access! Það verður örugglega einhver sem setur saman fyrir mig forit og svoleiðis ef ég þarf á því að halda.

Jæja ég er að fara sofa ég þarf að taka strætó fyrir allar aldir í fyrramálið (það er sko eins gott að kennarinn mætir) eða klukkan 7:15!

2004-11-19T18:01:00.000+01:00

Ég bloggaði í gær ....

EN það var allan daginn að fara inn svo ég hætti. Núna er það inni, ég er bara ekki skilja þetta. Alla vega njótið vel.

Guðrún þú verður að kíkja á þessa síðu. Síðan er á þýsku (líka á enksu) og er um Ísland.

Af snjókomunni hér í Danmörku þá hef ég ekki séð snjó enn. En vona bara að þeir sem eru með snjó njóti þess og ég verð bara abbó!

Ég ætla að halda áfram með tölvu verkefnið mitt svo ég komist til Kaupammahafnar á morgun!

2004-11-18T15:31:00.000+01:00

Jamms ef ég held nú áfram að tala um veðrið....

Þá eru veðurfræðingarnir hér á landi búnir að vera lofa okkur snjókomu síðan á sunnudaginn. Þetta átti sem sé að gerast í gær. Þeir sögðu slidda í dag og á morgun og svo alvöru snjókomu á laugardaginn. Það sem meira er að þetta átti allt að koma frá Noregi! Í staðinn vaknaði ég klukkan 03:00 við það sem að ég hélt að væri haglél að reyna komast inn um gluggan, þetta reyndist bara vera rigning og laufblöð að lemja gluggana. Ég vaknaði svo aftur klukkan 06:00 við þetta líka rok! Ég bara vissi ekki að það gæti orðið svona hvasst hérna. Ég heyrði svo í fréttunum að vindhraðinn hefði mestur orðið 28m á sek (hvirfilbylur eru 33 m á sek). Jamms núna er víst Bína (rokið) á Bornholm. En allavega ég náði sem sagt að sofna í klukkustund og snúsa í ca 20 mín. Þá var það bara fara fram og horfa á fréttir og veður og kanna hvort að strætó væri að keyra eða ekki. Hvað haldið, þegar ég var búin að kvekja eitt ljós og var að kvekja á sjónvarpinu, þá bara vola, rafmagnslaust til kl.08:00 (og svei mér þá ekki morgunmatur á elliheimilinu). Þá var bara að vekja Gústa til að ná í útiborðið okkar og það dót sem hefði fokið og kveikja á kertum og hlusta á rafhlöðuútvarpið.
Eftir þessi ósköp er nú hægt að segja að það er ekki mikið eftir af laufum á trjánum!

Ég fékk loksins að vita hvort að ég hafi náð blessaða tölvuverkefninu mínu, jamms ég náði en ég þarf að gera nýtt. Það fæ ég á morgun. Þarf víst að skilja Access aðeins betur.

Jæja ég ætla að fara að leita af upplýsingum um Þýskaland og Ísland bara á þýsku.

2004-11-07T21:04:00.000+01:00

Jamms ég hef haft alveg nóg að gera um helgina.

Á föstudaginn var saumaklúbbur hjá mér og við sátum alveg að verða eitt. Þá voru strákarnir búinir að koma og fara. Þeir ákváðu að kíkja niður í bæ og halda áfram að djamma.
Laugardagurinn var bara rólegur þvegið og lært. Steini og Mæja borðuðu fylltar svínalundir sem að Gústi eldaði. Eftir kvöldmat var farið á Bikuben kollegiet og spilað.
Við vorum búinn að ákveða að eyða sunnudeginum saman, þannig að það voru eingar skólabækur í dag. Við bjuggum hinsvegar til brjóstsykur (bolcher) í dag. Bæði græna og rauða með piparmynntubragði. Þeir heppnuðust líka svona vel.

En að öðru. Núna er 7. nóvember og laufin eru enn að detta af trjánun! Ég veit að það eru mörg tré í Danmörku en tekur þetta alltaf svona langan tíma? Mér finnst bara ekki vera kominn vetur, þetta er meira svona langt haust. Ég verð nú bara að viðurkenna það að mig langar svolítið í smá snjó og þess háttar. Það er bara að bíða og vona.

2004-11-03T22:05:00.000+01:00

Það er sko að koma jól, ef fólk hefur ekki tekið eftir því!
Í dag þegar ég var á leiðinni heim úr skólanum, þá tók ég eftir því að það er búið að kvekja á seríunni á flotta trénu hjá HC Andersenhúsinu! Það er með flottara jólaskrauti sem að bærin setur upp.
Til að halda uppi jólastemningunni þá get ég frætt ykkur á því að það er J-dagur á föstudaginn!! Herlegheitin byrja kl 20:59 að staðartíma. Jólabruggið frá Tuborg er semsagt að koma á markaðinn!!!

2004-10-30T17:03:00.000+02:00

Ég er sem sagt að gera tölvuverkefni og þess vegna er ég svona dugleg við að blogga!! Bara að fólk haldi nú ekki að það sé nú eithvað mikið að.

Í dag er dagur breytinga. Dagurinn í dag er síðasti dagur sumarklukkunnar, klukkan breytist í nótt og þá er bara klst. munur á Íslandi og Danmörku. Svo voru þrír til viðbótar af stórfjölskyldunni (við vorum 8) að flytja. Jamms við Gústi erum orðin "ein eftir". Gummi, Freyja og Ársól voru að flytja í dag hinum megin við Middelfartvej, sem betur fer ekki lengra! Sigrrós, Ingvi og Nökkvi fluttu til Íslands í sumar.

Jæja ég ætla fara að kíkja á þetta verkefni mitt. Ég nenni þessu samt ekki!

2004-10-29T14:24:00.000+02:00

Ég hélt einu sinni að strætisvagnabílstjórar í Reykjavík væru sér þjóðflokkur út af fyrir sig. Núna um daginn komst ég að því að blessuðu strætóbílstjórarnir hér í bæ eru bara alveg eins! ÉG stóð við hliðina á strætó og bílstjórinn yppti bara öxlum og keyrði af stað í staðin fyrir að opna hurðina. Þetta þýddi að ég þurfti að bíða í 15 mín. eftir næsta! Þetta þýddi sem sagt að ég kom heim á sama tíma eins og venjulega, það bara skipti ekki máli að ég hafði náð strætóinum á undan en ég vanalega næ upp í háskóla!!
Ég var svolítið svekkt en það lagaðist og huggaði mig við það að strætóbílstjórar eru greinilega allstaðar eins!

2004-10-24T15:30:00.000+02:00

Í gærkvöldi vorum við að kveðja Önnu Fríðu og Kristján, þau eru að flytja til Íslands núna um mánaðarmótin. Þetta var rosalega gaman, svaka partý í múskihúsinu. Ég held að allir hafi skemmt sér vel, ég gerði það allavega.

Annars sit ég hérna og er að reyna koma upp með frábært bréf til einhverjar konu sem skrifaði í vikutímarit. Jamms verkefni fyrir skólann, þetta þarf að vera á þýsku!

Núna erum við líka orðin símalaus! Við sem sagt notumst bara við GSMsímanna okkar. TDC er endalega búnir að loka á okkur. Það er bara vonandi að þetta reddist flótt. Það er nú samt talað um að það verði ekki fyrr en eftir áramót. Þá er þetta búið að vera svona í ár. Við gátum þar til á fimmtudaginn hringt innan kollegiesins, voða gott en núna er það bara að hlaupa, ganga, hjóla á milli eða nota GSMsímanna til að tala við hina á kollegiinu.

Ég ætla halda áfram að læra svo ég fá líka köku í kvöld.

2004-10-12T17:14:00.000+02:00

Ég var rosalega dugleg á föstudaginn og bloggaði alveg heilan helling. Þegar ég svo ætlaði að setja það á netið þá bara virkaði það ekki.

Alla vega þá er ég í haustfríi sem eru leifar af kartöflufríi í skólum í Danmörku. Ég er búin að vera rosalega dugleg að vakna fyrir kl.8 á morgnana og læra. Ég ætla mér nú samt að taka mér frí frá bókunum á morgun.

Svo eru Mamma og Eggert að koma í heimsókn til okkar við Gústi ætlum að vera í Kaupmannahöfn á laugardaginn og svo á sunnudaginn ætlum við að taka gestina með okkur frá Kaupmannahöfn. Það verður nú fínt að hafa þau í heimsókn í nokkra daga.

Nettenginging sem er á kollegiinu er búin að vera stríða okkur. Ég sat næstum því heilann dag á skrifstofunni (hún er opin 3 var í viku 2 tíma í einu) til að reyna fá netið til að virka. Það gekk ekkert, svo talvan var tekinn og allt sett upp aftur í henni svo nú er bara að sjá hvort það virki eitthvað betur.

2004-10-08T17:09:00.000+02:00

Hæ hæ allir saman!

Við erum búinn að vera netlaus eitt skiptið enn. Mér er nú farin að leiðast þetta svolítið. Ég er kannski ekki sú þolinmóðasta undir sólinni en mín þolinmæði er næstum því búin. Á þriðjudaginn var ég bara að velta fyrir mér að panta mér bara símalínu og adsl tengingu frá einhverjum öðrum og hætta þessu vesini með kollegieneti. Ég nefnilega eyddi 1,5 tíma á mánudaginn og öðru eins á þriðjudegi á skrifstofunni á kollegieinu. Ég veit alla vega að hvað starfsfólkið heitir! Alla vega þá gekk talvan á milli tölvusnillingana og aukasnillingsins frá FKO og ekkert kom út úr því.

En að öðru. Ég sá í gær í fréttunum í sjónvarpinu á Íslandi að það hafi orðið lestaslys á Íslandi. Í fyrsta lagi þá bara vissi ég ekki að það væru lestir á Íslandi og svo fór ég að velta fyrir mér hvort að lögreglan sem ætlaði að ransaka slysið hefði einhverja reynslu af rannsókn á lestarslysum eða hvort að þeir fengju aðstoð frá öðru landi. Það hefur sem sagt eitthvað breyst á Íslandi, það eru til lestar og ekki ein heldur allavega tvær því að þær lentu saman!

Annars er að skella á karföflufríi hér hjá okkur í Odense. Fyrsti frídagurinn er á mánudaginn en þar sem að skólinn er búinn í dag þá er ég komin í frí. Ég ætla gera eins og Gummi, vera dugleg að læra!

Þar til næst.

2004-09-26T21:04:00.000+02:00

Já takk, einn Guðmund Jónsson ...

það væri nú ekki slæmt að hafa hann við höndina. Hann Guðmundur er stærfræðiskennari í einum af framhaldsskólunum á höfuðborgasvæðinu. Hann kom mér í gegnum stærfræðina og núna sit ég eftir heilan dag að reikna og man bara ekki neitt í algebru! Það er nú ástand á heimilinu. Ég sem er búin að kaupa mér svo fínann vasareiknir, ég er að vísu enn að lesa handbókina svo ég geti notað hann almennilega. Ég verð bara dugleg að reyna við algebruna á dönsku.

Við erum nú annars flutt og erum alveg að verða búin að koma okkur fyrir í nýju íbúðinni. Í þessari íbúð hafa verið Íslendingar alla vega í 4 ár. Það skondna við þetta allt saman að þegar við fluttum á Raskið í janúar, þá báðu þáverandi íbúar í þessari íbúð okkur um að taka blóm til ætleiðingar. Blómið er sem sagt komið "heim"aftur. Ég hef nú verið að reyna sðyrja blómið hvar það hafi verið staðsett í íbúðinni en ég held að það séu einhverjir tungumálaerfileikar í gangi, ég skil nefnilega ekki blómið! Vona bara að það verið sátt á þeim stað sem það er á.

Í gær ákváðum við að það væri nú gaman að spila í staðin fyrir að horfa á ekkert í sjónvarpinu. Við hringdum því 3 símtöl og hóuðum í Freyju & Gumma, Steina & Mæju, Axel & Ólöfu og svo í Berglindi & Óla, hún Guðrún kom líka hennar kærasti er enn á Íslandi. Þetta var rosalega gaman við spiluðum Trivial Pursit og strákarnir unnu. Við vorum nú ekki alveg sammála við stelpurnar en við vinnum bara næst.

Í dag borðuðum við svo 2 lambalæri annað var sýnishorn af íslensku og hitt var nýsjálelskt með brúnuðum kartöflum og Royal búðing á eftir. Þetta var æði og ég er enn södd.

Jæja það þýðir ekki að hangsa svona langur dagur í skólanum á morgun, þarf víst að kíkja á einn stuttan texta. Þannig að ég bið bara að heilsa þar til næst. Ég skal svo reyna að vera örlítið duglegri við að blogga.

2004-09-17T11:04:00.000+02:00

Flutningar

Já það hefur margt og mikið gerst hjá okkur núna síðustu 10 daga eða svo. Við erum flutt úr 1307 og í 2302. Við erum sem sagt farinn úr 2 herb. íbúðinni sem við fluttum í í janúar og yfir í 3 herbergja. Við áttum nú ekki von að þetta mundi ganga svona hratt fyrir sig en raunin varð önnur. Akkurat núna er verið að klára gera gömlu íbúðina tilbúna til málingar og reyna koma okkur fyrir í nýju íbúðinni.

Annars gengur skólinn bara vel enn sem komið er. Búin að komast að því að prófin mín í janúar verða ekki mörg þetta er meira skilaverkefni á önninni.

Jæja þá ætla ég ekki að skrifa meira í dag. Ég þarf nenfilega að fara afkalka baðherbergið!!

Bið bara að heilsa

2004-09-04T17:40:00.000+02:00

Já ég veit, hér hefur ekkert gerst í mjög langan tíma!
Fyrst þá var ég bara aðeins að hvíla mig á tölvum og svo var vesen með smákökuna (á dönsku tölvumáli cookies), þannig að það var ekki hægt að fara inn á neinar síður þar sem maður þurfti að slá inn aðgangsorði og leyniorði!!!

Ég komst heim til mín á aðeins lengri tíma heldur enn ég ætlaði mér. Ég missti af síðustu lestinni sem fer beint frá Kastrup og heim til mín. Ég var að skipta um lest en sem betur fer bara einu sinni. Flugleiðir voru nú svo góðir við okkur þessar örfáu farþega sem voru með mér í þotunni að við fengum útsýnisflug um Reykjavík. Ég vinkaði öllum og enginn vinkaði til baka. Við flugum yfir Skerjafjörðin, Reykjavíkurhöfn (þann hluta sem ég var að vinna á), Kringluna, Grafar-holt og vog og svo yfir starfsmannabústaðinn á Nesjavöllum, eftir það lá leiðinn upp í skýinn!!! Ég verð að viðurkenna mér fannst þetta eiginlega bara lúmst gaman. Það eru mörg ár síðan ég flaug innanlands og það er alltaf jafn gaman að sjá Reykjavík og nágrenni í öðru ljósi!

Við Gústi fórum svo núna í byrjun vikunnar til Hamborgar. Við leigðum okkur bíl og keyrðum. Það var líka gaman. Það er nú ekki hægt að segja að ég sé góður kortalesari í borgum og hvað þá í stórborgum! Það tók svona klst. að finna hótelið. Við vorum á intercity hotel. Það var á "gleis 13" ef hægt er að segja það. Við vorum eiginlega á lestarstöðinni. Þar komst ég að því að það er hægt að taka bílinn með sér í lest! Jamms við hefðum geta bara skellt okkur til München eða Wien eða jafn vel bara til Ítalíu. Bara keyrt upp á lestarvagninn um kvöldið og morguninn eftir vera komin einhvert allt annað. Þetta var eitthvað sem mér fannst sniðugt.
Við Gústi skoðuðum svo búðirnar og það var verslað. Það var lítill rekki í Karstadt sem voru ameríksar vörur! Við urðum að kaupa okkur Swiss Miss og Betty Crooker gulrótarköku!
Við prufuðum líka grískan veitingastað. Mér fannst maturinn minn rosalega góður, Gústa fannst samt sinn svolítill bragðdaufur, en þjónustan var meira en frábær. Ég var búin að sjá Block House steikhús og var búin að tala um að hvort við ættum ekki að borða þar seinna kvöldið. Því í minningunni var maturinn þar frábær. Þvílík og önnur eins vonbrigði, mig langaði ekki einu sinni í þetta. Ég held að það verði langt þanngað til ég fari aftur á Block House.

Svo er skólinn byrjaður. Búin að fara einu sinni. Mér fannst eins og ég væri á fysta ári í framhaldsskóla. Maður er mataður með teskeið! En kennararnir sögðu að þetta yrði ekki alltaf svoleiðis. Það var líka ein sem var með mér í bekk í fyrra sem sagði mér að ég gæti búist við að bækurnar verði dýrar! Þó svo hún sé að kaupa sínar skólabækur í fyrsta skipti, þá er ég ekki að gera það!

Jæja ég ætla mér að fara lesa þýska sögu!

Þar til næst.

2004-08-19T20:37:00.000+02:00

Jamms þá er stundin runnin upp. Ég er að fara heim til mín á morgun. Ég er búin að hafa það fínt á Íslandinu og búin að fara í nokkra langa bíltúra og önnur ævintýri.

Ég ætla að segja bless við alla þá sem ég náði ekki að segja bless eða hitta, og segi bara bless bless þar til næst.

2004-08-11T14:19:00.000+02:00

Ef ég byrja nú að dásama þetta veður sem er búið að vera í tvo daga og á að vera fram á helgi. Já ég er bara í vinnunni og get lítið notið þess. Í morgun þegar ég var á leiðinni í vinnuna var 20,5 gráður! Það er bara aldrei að vita nema að ég kíki í sundlaugarnar eftir vinnu.
Annars heyrði ég í Sigurrósu í gær og fór svo í heimsókn að skoða nýju íbúðina. Ingvi og mamma hans voru að klára að hengja upp myndir. Mér leist bara ljómandi vel á íbúðina og segji bara enn og aftur, Sigurrós, Ingvi og Nökkvi til hamingju með nýju íbúðina.

Núna er 9 dagar þanngað til að ég fer heim og fimm vinnudagar! Já ég er farin að telja niður ég get bara ekki beðið eftir því að komast heim til mín. Ekki að mér finnist ekki gott að vera á Íslandinu.
Læt þetta duga þar til næst.

2004-08-06T11:15:00.000+02:00

Já það hefur verið lítið um blogg þessa viku. Útstýringarnar eru nokkrar, ég var bara haldin smá skrifleti og svo er ég farin að leysa annarstaðar af í þessu ágæta fyrirtæki og hef ekki mikin tíma til að setjast niður til að blogga.
En að öðru. Verslunarmannahelgin var bara frábær og ég á alveg örugglega eftir að fara aftur á austfirðina. Ég mæli samt með því að nota meiri tíma til að skoða landið heldur en 3 daga helgi.
Í dag er akkurat 2 vikur þanngað til að ég komi heim til DK, í góða veðrið sem þar hefur verið núna í ágúst.

Þar til næst.

2004-07-27T14:52:00.000+02:00

Það er sem sagt komið á hreint að ég kem ekki heim fyrr en upp úr miðjum ágúst. Mér var boðin meiri vinna og þar sem að Gústi er farinn að vinna þá ákvað ég að vera bara lengur á Íslandi.

Nú er verið að plana enn eina útileguna fyrir næstu helgi. Þá verður bara landið tekið eins og það leggur sig. Jamms og ég sem aldrei hef farið hringinn og er að fara í fyrsta skiptið á austfirðina. Sem betur fer þá hef ég austfirðing mér til halds og trausts þar sem ég hef heyrt að vegirnir þar geta verið svaðalegir.

2004-07-26T10:59:00.000+02:00

Ég átti líka þessa fínu helgi í frábæru veðri!
Við frænkur höfðum ákveðið í vor að fara langa og góða hjólaferð um þessa helgi, en vegna skorts á reiðhjóli sem passar fyrir mig var ferðinni breytt í almenna útilegu.
Við lögðum af stað á föstudeginum strax eftir að ég var búin að vinna. Við brunuðum á Vík, með stoppi á Selfossi í grenjandi rigningu. Þar var tjaldinu slegið upp og þá hætti eignlega að rigna og á laugardagsmorgni vöknuðum við að þjóðverji var að vekja einhverja aðra þjóðverja með því að segja að það væri sól!
Eftir góðan morgunmat var keyrt áleiðis til Kirkubæjarklaustur. Við vorum búnar að ákveða að kanna með útsýni frá Laka. Eftir að keyrt yfir nokkrar litlar ár á hinum ýmsum vegum komum við loksins að Laka. Útsýnið var frábært! Vatnajökull í öllu sínu veldi og svo beina línann með gígaröndina og svo öll fjöllin sem ég veit ekki hvað heita.
Við stoppuðum svo við einn gíginn til að skoða hvernig þetta liti allt saman út. Eftir það stopp var svo haldið sig við slóða sem áttu að vera fjallvegir niður fjallið á þjóðveg 1 til Kirkjubæjarklaustur.
Þar fundum við sundlaugina og fórum í heita pottinn.
Ég hef ekki farið í heitan pott síðan einhvern tímann fyrir páska í fyrra. Þetta var bara allt í fína.
Á sunnudegin var síðan kíkt á Svínafellsjökul og athugað með ís í Skaftafelli, þar var því miður enginn ís. Við brunuðum bara beint á Vík og síðan áfram í átt til Reykjavíkur í rólegheitunum.

En að allt öðru þá er hann Gústi að byrja á samning í dag. Ég vona að allt gangi vel hjá honum. Er alveg viss að svo sé. Ég ætla nú samt að senda honum góðar hugsanir!!!

2004-07-20T17:50:00.000+02:00

Núna er ég orðin ein ...
Já hann Gústi er farinn heim til Danmerkur og ég er enn að vinna á Íslandinu. Ef maður horfir á björtu hliðarnar þá eru nú ekki margir dagar þangað til að ég fer líka heim!!
En nóg með það. Ég er búin að vera spjalla við hana Þórunni vinkonu og við erum bara langt komnar með að plana verslunarmannahelgina. Planið er eiginlega alveg tilbúið. Þjóðvegur 1 allan hringinn á einni langri helgi.
Við Guðrún ætlum líka að fara í útilegu núna um helgina. Hvert er ekki vitað, bara svo lengi að það sé ekki rigning þá er ég sátt. Leiðarendinn verður bara ákveðin þegar veðurfræðingarnir eru komnir með nokkuð örugga helgarveðurspá.
Niðurstaðan er sú að ég er að fara sofa í tjaldi tvær helgar í röð!!

2004-07-16T18:00:00.000+02:00

Vikan bara búin !!!

Ég get með engu móti sagt að ég hafi ekkert að gera. Það er nokkuð víst.
Hann Sigurjón átti afmæli í gær og Gústi eldaði rosalega góðan mat handa okkur. Það var nú eiginlega seinni dagur í svona góðum mat því að á miðvikudaginn var líka góður matur. Aftur var það hann Ágúst minn sem eldaði ofaní í mig og mína fjölskyldu.
Annars var planið hjá okkur að kíkja inn í Þórsmörk á Yaris, sko réttara sagt á Yaris á Hvollsvöll og þangað yrði svo náð í okkur og farið með okkur í Þórsmörk.
Í staðin ætla ég að njóta góða veðursins sem á að vera yfir helgina aldrei þessu vant, kannski að prufa nýju gönguskónna mína.
Jú svo á að kíkja í bíó. Við frændsystkinin og makar ætlum að fara að sjá Shrek 2.
Núna lítur helgin bara ljómandi vel út og tel niður þangað til að hún byrja (helgin).
Vona að allir eigi bara góða helgi ;)

2004-07-12T11:52:00.000+02:00

Upp er runninn mánudagur ...

Og enn ein helgin liðin. Að vanda var hver klukkutími vel nýttur. Við kíktum á Selfoss á hann Gilla og svo var farið í Laugarásin. Ég man nú ekki eftir að hafa séð jafn marga á tjaldsvæðinu þar eins og á laugardaginn. Kannski að ég hafi bara ekkert pælt í því fyrr. Eftir kaffi og kökur á Öspini var brunað aftur á Selfoss til Berglindar og Binna til að fá sér kvöldmat. Við fengum mjög góðan kjúklingarétt og rabbabarapæ. Eftir þessa dýrindis máltíð var stefnan tekin á Reykjavík með viðkomu á Stokkseyri. Þar hittum við næstu stórfölskylduna í húsbílaferðalagi. Þar sátum við og spjölluðum í einhvern tíma og svo var það bara nýji svefnsofinn í Grafarvognum sem beið eftir okkur.
Í gær var svo kíkt í kaffi í Breiðholtið til Dönu og Gústa, þar skoðuðum við slottið þeirra. Þetta er barasta fínasta íbúð og þau búin að koma sér vel fyrir.
Eftir kvöldmat var farið í Skerjó og matarboðið á miðvikudagskvöld skibulagt. Það er útlit fyrir mikla veislu og góðan félagskap. Er bara farin að hlakka til.
Þar til næst!

2004-07-09T11:38:00.000+02:00

Þegar ég var yngir og vinkona mín var að segja mér að hún væri að fara í sumarbústað til ömmu sinnar og afa, og að sumarbústaðurinn væri í Kjós. Þá velti ég fyrir mér í nokkur ár, hvernig fólk nennti að eiga sumarbústað í Hvalfirðinum og svona ofan í fjöru. Það er ekki einu sinni gaman að fara í sjóin í Hvalfirðinum því hann er svo kaldur! Aldrei datt mér í hug að þessir bústaðir sem allir vour í Kjós gætu í raun leynst inn á milli fjallana.
Í gærkvöldi heimsóttum við Írisi og Ingvar. Þau eru einmitt stödd í sumarbústað í Kjös, réttara sagt við Meðalfellsvatn. Þetta er bara alveg æðislegur staður. Eiginlega ótrúlegt miðað við hvað það er í raun stutt til Höfuðborgarsvæðisins.
Ég held að maður eigi eftir að skoða miklu meira af landinu heldur en ég geri mér grein fyrir, þá meina ég staðina sem ekki eru á öllum kortum. Þið vitið þessir staðir sem maður hefur kannski heyrt um og kannski búin að mynda sér skoðun um. Staðurinn sem kemur á óvart.
Helgin er opin nema ég fer í Mjóddina á laugardaginn og skoða umgjarðir fyrir nýju sólgleraugun mín!!
Þar til næst.

2004-07-07T10:53:00.000+02:00

Þetta gengur nú ekki ....

að ég skuli strax vera orðin löt við að blogga. Alla vega þá er þetta svona helstu viðburðir.
Það var náttúrulega brúðkaup á laugadaginn. Það fór bara vel fram og hann Stefán stal senunni þegar hann átti að rétta prestinum hringapúðan. Hann sagði nefnilega nei og kippti púðanum í burtu. Hringarnir enduðu samt á fingrum foreldra hans.

Flest öllum að óvörum þá mætti Gústi í brúðkaupið, allir rosalega hissa að sjá hann þarna. Jamms enginn átti von á að sjá hann svona snemma í júlí. Núna er hann búinn að ákveða að dvelja aðeins lengur hér á klakanum, mér finnst það bara frábært.

Við frænkurnar fórum í sundfataleiðangur á mánudaginn til að vera viðbúnar þegar næst kæmi svona fínt veður eins og var á mánudaginn! Ég verð nú bara að segja það að ekki er nú mikið úrval af sundfatnaði akkurat núna í íþróttaverslunum. Ég endaði að kaupa mér sundföt en ekki sundbol eins og planið var. Sundfötin saman standa af hlýrabol og buxum. Nú er það bara að fara í sund og prufa nýju fötin.

Ég læt þetta duga í bili og reyni kannski að vera ögn duglegri við að skrifa, kannski bara í lok þessarar viku! Hver veit!!

2004-06-29T11:20:00.000+02:00

Helgin

Núna um helgina er ég búin að gæsa fara í kringluna og í barnaafmæli. Ég er sem sagt búin að vera upptekin.

Á föstudaginn var hún mágkona mín tilvonandi gæsuð. Þetta var bara þrælgaman. Við fengum nudd og svo var farið í pool og drukkið! Eftir anna sama viku þá var ég orðin svo þreytt að ég fór heim tiltökulega snemma.
Á laugardeginum ætlaði ég að kjósa en það gekk ekki. Ég var víst ekki á kjörskrá til að byrja með. Ég komst að því kl.21.50 að ég væri á kjörskrá en bara í kópavogi. Ég var nú ekki að nenna því að keyra í Kópavoginn á 10 mín og finna skólann sem ég átti að kjósa í! Þannig að ég sleppti því að kjósa. Enda skipti eitt atkvæði ekki neinu um úrslit kosningana.
Á sunnudaginn fór ég í kringluna og hitt hana Henný og við röltum þarna um í leit af skóm handa mér! Svo skellti ég mér í barnaafmæli hjá frændsystkini hans Gústa. Svo var helgin bara búin og kominn mánudagur.
Í gærkvöldi eyddum við Stefán litli frændi minn saman, með dótinu hans!

Þá held ég að ég sé búin að upplýsa ykkur hvað ég sé búin að vera gera!

Þar til næst ...

2004-06-24T12:07:00.000+02:00

Ef ég byrja nú á því að tala um veðrið hérna hjá mér á Íslandi. Það var líka þessi blíða á mánudaginn, svona bara útlensk með 21 stiga hita. Núna er fimmtudagur og 8 stiga hiti. Það er bara orðin frekar kalt hérna.
Vinnan er bara fín ég get alla vega ekki kvartað yfir því að hafa ekki neitt að gera og að tíminn líði hægt. Ég er bara nýkomin þegar er komið hádegi og svo er klukkan orðin 16 bara stuttu eftir það. Hér er líka allt nýtt og smá vandamál hér og þar. Þau eru nú bara til að gera vinnuna skemmtilegri.

Í gær fór ég með Hrönn og Sigurjóni að kíkja á nýasta fjölskyldumeðliminn. Hann er nú voða sætur og með mikið hár. Það fer að líða að skírn. Já hann verður skírður í næstu viku, en nafnið er leyndó þangað til. Við bíðum bara spennt eftir að heyra hvað litli prinsinn heitir.

Bíllinn sem ég fékk lánaðan hann var svolítið mikið skítugur, þannig að ég varð að þrífa hann. Ég fór upp í Grafarvog og ætlaði bara taka það mesta af drullu og sígarrettuösku. En sem betur fer þá kom Hrönn út og hjálpaði mér við þetta því annars væri ég enn að. Þar fyrir utan er þetta bara fínn bíll sem ég opna ekki skottið á!

Þar til næst, bless.

2004-06-21T14:35:00.000+02:00

Mætt á Ísland og í vinnuna ....

Já, já núna er í ein við síman. Þetta er bara fínt fullt af hlutum sem ég þarf að muna. Sem betur fer eru allir voða góðir við mig og hjálplegir.

Ferðalagið frá Odense og alla leið til Íslands gekk bara vel. Það var full vel af fólki og rosalega heitt. Til að bæta svo gráu ofan á svart var ekki hægt að stilla hitastigið fyrir hvern og einn, púff það var mjög heitt og svo bara kalt þegar við nálguðustum Ísland.
Kastrup lokar 22.00 þannig að við mamma vorum búnar að ákveða að fá okkur að borða en það gafst enginn tími. Kvöldmaturinn var sem sagt í boði Icelandair, kaldar kjötbollur,köld bolla og kartöflusalat!

Núna er bara frábært veður og ég er að velta fyrir mér að kíkja í sundlaugarnar í kvöld þegar ég er búin að vinna og komin með bíl.

Bless í bili

Nýtt útlit...

2004-06-19T00:36:00.000+02:00

Er að prufa mig áfram með nýtt útlit og hann Ágúst minn er að hjálpa mér...